KOTA BANJARMASIN
Tulisan ini akan lebih mudah dibaca oleh orang yang mengerti Bahasa Banjar. Selamat Membaca!
----------------------------------------------------------------------------------------------------------------------------------
Jadi sebutan Banjar tuh bisa dipakai banyak arti, tergantung maksud lawan tujuan orang yang memakainya. Secara umum kata Banjar bisa diartiakan wilayah Banjarmasin, Banjarbaru wan Martapura (Kab. Banjar), atau biasa jua disebut orang Banjar Kuala (tambahannya Batola).
Tapi yang handak ku kesahakan lawan orang pian nih adalah tentang Dunia Malam di Kota Banjarmasin.
Nah, kira-kira apa isi fikiran pian-pian pas sampai di tulisan yang tabal tuh!? Kebanyakan mungkin stigma negatif nang muncul, perlahungan misalnya, naikan ke diskotik mungkin.
Kita dasar kada kawa pan mehilangakan konotasi negatif dari kata Dunia Malam, karna biasanya banyak gawian-gawian orang yang adanya pas malam aja, olehnya kada layak tu pan dilihat akan pas siang.
Okay, sebujurnya ada banyak hal yang ku dapatkan selama di Banjarmasin, tapi yaa mungkin banyak orang mendapatinya jua. Jadi kada usah panjang-panjang kesah gin yakalo lah.
Menyambut Malam
Karna mengisahakan malam pastinya diawali dengan kenapa terjadinya malam, yaitu terbenamnya matahari yang dihasilkan dari rotasi bumi jar pelajaran IPA di sekolahan dahulu.
Suasana Banjarmasin dari 2012 sampai sekarang masih sama, sama-sama jalanan dipadati orang-orang yang handak bulik ke rumahnya masing-masing. Yadong masa kerumah ikam. Namun perbedaan yang paling mendasar adalah jumlah pengguna jalan yang pasti setiap tahun betambah tarus.
Apalagi perempatan Sultan Adam - Sungai Andai, pusat kemacetan disitu, tapi masih belum kawa jua pan mengalahakan kemacetan di Sungai Lulut yang berasa Ibukota macetnya. Maklum, disana perbatasan antara Kota Banjarmasin lawan Kabupaten Banjar. Selain itu jua, olehnya perumahan murah di Sungai Lulut lalu jadi kawasan padat penduduk dan mayoritasnya orang begawi, sekolah atau kuliah, apa segala macam di Banjarmasin. Sebujurnya kada pas kamarian sampai maghrib aja pan macetnya, bisukan gin sama ay jua pada beantri jalannya, belum lagi pas melewati pasar.
Kalo dulu, menjelang maghrib pedagang kaki lima mulai membuka dagangannya, ada gerobakan, ada warung makan, macam-macamlah pokoknya, sebelum akhirnya dipindah oleh Walikota ke Kawasan Kuliner Baiman di Jalan tembus Lingkar Selatan.
Kisah di Lampu Merah
Banjarmasin sebagai Ibukota Propinsi Kalimantan Selatan pasti padat dan harus ada Traffic Light dong. Kita tahunya lampu merah tu pan sudah, tenyaman menyambat lawan meingatinya.
Biasanya di persimpangan yang ada lampu merahnya mun siang ada aja "sukarelawan" yang meaturakan lalu lintas. Itu siang lah, malam belain lagi orangnya, beganti sudah.
Ada banyak ragam orang yang bisa kita jumpai di lampu merah apabila malam, ada yang memberikan jasa, hiburan, jual barang sampai menjual rasa simpatik untuk mendapatkan empati. Aku kada menyudutkan orang yang berjuang demi kehidupan dengan cara itu. Aku sekadar menjelaskan wajah Ibukota aja, bahwa ada satu sisi yang mungkin selamanya kada akan bisa hilang dan akan kita lihat tarus.
Kecuali ada keberanian dan kesiapan jua dari pemerintah dan kita sebarataan untuk merangkul orang-orang itu supaya bisa mendapatkan penghidupan dengan lebih baik. Karna kadang kita beisi rasa simpatik, dan berharap pemerintah menangani itu, padahal kita sebagai warga masyarakat sebujurnya kawa ay membantu, dengan apa yang kita bisa, doa misalnya.
Tapi aku pribadi jujur, kadang merasa kada berdaya membantu, bahkan parahnya aku pun kadang merasa masih harus dibantu dan kada lebih baik dari buhannya. Ya maklum sifat alami manusia lah itu tuh, pasti handak lebih.
Sirkuit Jalanan
Ini tontonanku biasa malam minggu sekitar jam 3an sampai jam 4an tuh raminya balapan liar di pal 4-5. Rami ay meliati kanakan belajuan, tabrakan, bekelahian, memacah pot bunga di trotoar, mabukan, disasahi polisi, polisinya balik balapannya lanjut.
Rami ay dilihat, mun difikirakan aku jadi nonton itu awalnya gegara teganggu guring mendengar knalpot sing nyaringan, pasmemeriksa dimana sekaliya keterusan menonton.
Macam-Macam Pasar Malam
Selawas di Banjar, aku sampai hafal pasar-pasar malam yang parak kost. Malam selasa di Jl. Ingub (Kebun Bunga), malam rabu di Komplek Aspol Bina Brata, malam kamis di parak persimpangan Sungai Lulut - Jl. Pramuka, malam jumat di sekitar Stadion Lambung Mangkurat, malam minggu di Komplek Siaga Jl. Pramuka. Sisanya malam sabtu aku kada tahu ada atau kada, cuman kalo malam senin ada di pal 10 Jl. A. Yani tapi itu Kertak Hanyar sudah masuk Kab. Banjar, selain itu ada jua pasar malam di pal 7 kada ingat aku malam apa. Oh iya alam sabtu ada ay pasar tapi di Landasan Ulin Banjarbaru. Hhaha
Biasanya pasar-pasar ini bejualkebutuhan pokok mulai dari sembako, iwak, sayur, pakaian ada jua, alat kosmetik, dan keperluan sehari-hari lah intinya.
Tapi kada semua yang ada dipasar harus kita tukari untuk mmilikinya, kadang hanya perlu keberaniankita sudah bisa memilikinya, lain keberanian mencuntan lah. Maksudnya keberanian bicara, memiliki salah satu gadis cantik yang di pasar misalnya.
Selain yang di parak kos masih banyak jua pasar malam yang memang ada wadah khususnya kaya pasar Belauran misalnya, pasar kalindo atau yang biasa disebut pasar tungging, eh pasar tungging tuh yang dimuka ada jua pokoknya di Belitung tuh bila malam ada sekitar 3 lokasi pasar yang aku tahu. Pasar malam itu biasanya jam 10 sudah mulai besesimpun.
Tapi di beberapa lokasi ada pasar yang masih buka sampai tengah malam lewat, kaya diJl.Pangeran Antasari (Karang Mekar) arah Ramayana, orang bejualan pakaian bekas baju salawar bekas apa segala. Bahkan hanyar buka tengah malam pun ada jua tu, cari aja disekitaran Sudimampir, orang sebanjaran rasanya kada mungkin kada tahu pan. Pasti ada bejejer dipinggir jalan orang bejualan. Bejualan kambang rampai. Hhaha. Singgahi singgahi.
Petugas Kebersihan
Mulai judulnya aja harusnya pian-pian sudah tahu ulun nih katuju keluturan malam-malam. Takananya dasr ada kegiatan, bakumpullawan kawanan, bejalanan lawan doi,bahkan bisa jua handak mutar-mutar Banjar banar am gegara kada kawa guring, handak meliati spanduk-spanduk, baliho-baliho caleg sampai ngantuk hanyar babulik ke kost. Ke kost ku jua ay.
Nah pas bulik malam-malam buta keitu kadang aku melihat rigatnya Banjar, sampah betuyuk dipinggir jalan, dedaunan guguran, apalagi mun kana angin daras kada kisah ay jalanan Banjar nih beratiknya.
Mungkin kita kada sadar atau kada memperhatiakan karena begasaka ke kantor ke sekolah ke kampus atau ke toko, bisa jua dasar kadamenarik memperhatiakan jalanan tuh. Bisukan tuh pasti berasih jalanan tuh tahu lah ikam.
Aku gin awalnya biasa aja, pas bulik jam 2an, melihat orang beseragam oranye menyapuijalan memilihi memutiki ratik di jalanan, yang bahkan itu lain ratikbasa sidin. ratik masyarakat pan yang dibuang pas belalu-lalang. Entah karna tangannya kada berpendidikan atau memang meolah gawi pakai petugas.
Coba fikirakan lah, orang nyaman banar guringan dirumah, sidin mehirup debu berigat-rigat memberasihi jalan. Pernah lah kita mencari siapa orangnya yang meolahaku nyaman melihat Kota Banjarmasin yang berasih setiap bisukan. Sudahlah beterima kasih. Akuaja belum jua, sama aja kita berarti.
Iya bujur itu tugas sidin, tapi paling kada, kita jangan mengalihi orang yang sudah menyamani kita. Sidin repot kada guring betengah malaman sampai subuh, kitanya tahu buang aja sampah misalnya. Belum lagi resiko keselamatan, pasmalam tuh jalanan lapang, siapayang kada handak laju rasa di sirkuit. Aku gin gebut jam seitu.
Pasar Subuh
Ada pasr subuh yang terkenal di Banjar, posisinya di Muara Kelayan, biasanya jualannya wadai basah, sayur, iwak, yang keperluan-keperluan orang pakai beharaguan besunsung pan sebelum tulakan begawi.
Mawarung Subuh
Kebiasaan orang di Banjar biasanya imbah tuntung sambahyang subuh, atau bulikan di Masjid besinggah di warung makan wadai mangopi sambil memandirakan kehidupan. Macam-macam tuh nang dipandirakan, mulaiurusan gawian, pahumaan, keluarga sampai memandirakan orang tuh rajin.
Mewarung subuh itu kebiasaan orang banjar yang mejadi tradisi langka sudah wahini, masih ada tapi jarang. Warungnya jarang ada, karna kebanyakan bukanya malam-malam, orang sambahyang subuh di masjidnya kada tapiadaan jua, iya bakas mewarung malam tadih, kada kawa sunsung bangun handak ka masigit. Hhaha
Jadi sebujurnya tulisan ini nih sudah beberapa kali revisi, karna tulisan awalnya terlalu frontal ala aku bepander sehari-hari yang istilah orang tuh masin banar. Mudah-mudahan kadida yang dirugikan lawan tulisan ini, isinya sekadar memadahakan bahwa ulun pernah menamui seberataan itu tuh selawas di Banjar. Dunia Malam isinya ada banyak kehidupan, kada berisi sisi gelap aja pan, sisi terangnya ada jua, remang-remangnya ada jua. Keitu aja dah.
----------------------------------------------------------------------------------------------------------------------------------
Aku tahu orang yang membacanya bingung kenapa cara menulisnya keitu banar, kada rapi kada sistematis, kacau. Yaa kacau ay bila yang menulisnya orang yang biasa bepander. Bepander sorangan dalam kepala.
Ditulis oleh Anak Introvert yang disambati Anti Sosial, tapi aku lain Psikopat.
----------------------------------------------------------------------------------------------------------------------------------
Jadi sebutan Banjar tuh bisa dipakai banyak arti, tergantung maksud lawan tujuan orang yang memakainya. Secara umum kata Banjar bisa diartiakan wilayah Banjarmasin, Banjarbaru wan Martapura (Kab. Banjar), atau biasa jua disebut orang Banjar Kuala (tambahannya Batola).
Tapi yang handak ku kesahakan lawan orang pian nih adalah tentang Dunia Malam di Kota Banjarmasin.
Nah, kira-kira apa isi fikiran pian-pian pas sampai di tulisan yang tabal tuh!? Kebanyakan mungkin stigma negatif nang muncul, perlahungan misalnya, naikan ke diskotik mungkin.
Kita dasar kada kawa pan mehilangakan konotasi negatif dari kata Dunia Malam, karna biasanya banyak gawian-gawian orang yang adanya pas malam aja, olehnya kada layak tu pan dilihat akan pas siang.
Okay, sebujurnya ada banyak hal yang ku dapatkan selama di Banjarmasin, tapi yaa mungkin banyak orang mendapatinya jua. Jadi kada usah panjang-panjang kesah gin yakalo lah.
Menyambut Malam
Karna mengisahakan malam pastinya diawali dengan kenapa terjadinya malam, yaitu terbenamnya matahari yang dihasilkan dari rotasi bumi jar pelajaran IPA di sekolahan dahulu.
Suasana Banjarmasin dari 2012 sampai sekarang masih sama, sama-sama jalanan dipadati orang-orang yang handak bulik ke rumahnya masing-masing. Yadong masa kerumah ikam. Namun perbedaan yang paling mendasar adalah jumlah pengguna jalan yang pasti setiap tahun betambah tarus.
Apalagi perempatan Sultan Adam - Sungai Andai, pusat kemacetan disitu, tapi masih belum kawa jua pan mengalahakan kemacetan di Sungai Lulut yang berasa Ibukota macetnya. Maklum, disana perbatasan antara Kota Banjarmasin lawan Kabupaten Banjar. Selain itu jua, olehnya perumahan murah di Sungai Lulut lalu jadi kawasan padat penduduk dan mayoritasnya orang begawi, sekolah atau kuliah, apa segala macam di Banjarmasin. Sebujurnya kada pas kamarian sampai maghrib aja pan macetnya, bisukan gin sama ay jua pada beantri jalannya, belum lagi pas melewati pasar.
Kalo dulu, menjelang maghrib pedagang kaki lima mulai membuka dagangannya, ada gerobakan, ada warung makan, macam-macamlah pokoknya, sebelum akhirnya dipindah oleh Walikota ke Kawasan Kuliner Baiman di Jalan tembus Lingkar Selatan.
Kisah di Lampu Merah
Banjarmasin sebagai Ibukota Propinsi Kalimantan Selatan pasti padat dan harus ada Traffic Light dong. Kita tahunya lampu merah tu pan sudah, tenyaman menyambat lawan meingatinya.
Biasanya di persimpangan yang ada lampu merahnya mun siang ada aja "sukarelawan" yang meaturakan lalu lintas. Itu siang lah, malam belain lagi orangnya, beganti sudah.
Ada banyak ragam orang yang bisa kita jumpai di lampu merah apabila malam, ada yang memberikan jasa, hiburan, jual barang sampai menjual rasa simpatik untuk mendapatkan empati. Aku kada menyudutkan orang yang berjuang demi kehidupan dengan cara itu. Aku sekadar menjelaskan wajah Ibukota aja, bahwa ada satu sisi yang mungkin selamanya kada akan bisa hilang dan akan kita lihat tarus.
Kecuali ada keberanian dan kesiapan jua dari pemerintah dan kita sebarataan untuk merangkul orang-orang itu supaya bisa mendapatkan penghidupan dengan lebih baik. Karna kadang kita beisi rasa simpatik, dan berharap pemerintah menangani itu, padahal kita sebagai warga masyarakat sebujurnya kawa ay membantu, dengan apa yang kita bisa, doa misalnya.
Tapi aku pribadi jujur, kadang merasa kada berdaya membantu, bahkan parahnya aku pun kadang merasa masih harus dibantu dan kada lebih baik dari buhannya. Ya maklum sifat alami manusia lah itu tuh, pasti handak lebih.
Sirkuit Jalanan
Ini tontonanku biasa malam minggu sekitar jam 3an sampai jam 4an tuh raminya balapan liar di pal 4-5. Rami ay meliati kanakan belajuan, tabrakan, bekelahian, memacah pot bunga di trotoar, mabukan, disasahi polisi, polisinya balik balapannya lanjut.
Rami ay dilihat, mun difikirakan aku jadi nonton itu awalnya gegara teganggu guring mendengar knalpot sing nyaringan, pasmemeriksa dimana sekaliya keterusan menonton.
Macam-Macam Pasar Malam
Selawas di Banjar, aku sampai hafal pasar-pasar malam yang parak kost. Malam selasa di Jl. Ingub (Kebun Bunga), malam rabu di Komplek Aspol Bina Brata, malam kamis di parak persimpangan Sungai Lulut - Jl. Pramuka, malam jumat di sekitar Stadion Lambung Mangkurat, malam minggu di Komplek Siaga Jl. Pramuka. Sisanya malam sabtu aku kada tahu ada atau kada, cuman kalo malam senin ada di pal 10 Jl. A. Yani tapi itu Kertak Hanyar sudah masuk Kab. Banjar, selain itu ada jua pasar malam di pal 7 kada ingat aku malam apa. Oh iya alam sabtu ada ay pasar tapi di Landasan Ulin Banjarbaru. Hhaha
Biasanya pasar-pasar ini bejualkebutuhan pokok mulai dari sembako, iwak, sayur, pakaian ada jua, alat kosmetik, dan keperluan sehari-hari lah intinya.
Tapi kada semua yang ada dipasar harus kita tukari untuk mmilikinya, kadang hanya perlu keberaniankita sudah bisa memilikinya, lain keberanian mencuntan lah. Maksudnya keberanian bicara, memiliki salah satu gadis cantik yang di pasar misalnya.
Selain yang di parak kos masih banyak jua pasar malam yang memang ada wadah khususnya kaya pasar Belauran misalnya, pasar kalindo atau yang biasa disebut pasar tungging, eh pasar tungging tuh yang dimuka ada jua pokoknya di Belitung tuh bila malam ada sekitar 3 lokasi pasar yang aku tahu. Pasar malam itu biasanya jam 10 sudah mulai besesimpun.
Tapi di beberapa lokasi ada pasar yang masih buka sampai tengah malam lewat, kaya diJl.Pangeran Antasari (Karang Mekar) arah Ramayana, orang bejualan pakaian bekas baju salawar bekas apa segala. Bahkan hanyar buka tengah malam pun ada jua tu, cari aja disekitaran Sudimampir, orang sebanjaran rasanya kada mungkin kada tahu pan. Pasti ada bejejer dipinggir jalan orang bejualan. Bejualan kambang rampai. Hhaha. Singgahi singgahi.
Petugas Kebersihan
Mulai judulnya aja harusnya pian-pian sudah tahu ulun nih katuju keluturan malam-malam. Takananya dasr ada kegiatan, bakumpullawan kawanan, bejalanan lawan doi,bahkan bisa jua handak mutar-mutar Banjar banar am gegara kada kawa guring, handak meliati spanduk-spanduk, baliho-baliho caleg sampai ngantuk hanyar babulik ke kost. Ke kost ku jua ay.
Nah pas bulik malam-malam buta keitu kadang aku melihat rigatnya Banjar, sampah betuyuk dipinggir jalan, dedaunan guguran, apalagi mun kana angin daras kada kisah ay jalanan Banjar nih beratiknya.
Mungkin kita kada sadar atau kada memperhatiakan karena begasaka ke kantor ke sekolah ke kampus atau ke toko, bisa jua dasar kadamenarik memperhatiakan jalanan tuh. Bisukan tuh pasti berasih jalanan tuh tahu lah ikam.
Aku gin awalnya biasa aja, pas bulik jam 2an, melihat orang beseragam oranye menyapuijalan memilihi memutiki ratik di jalanan, yang bahkan itu lain ratikbasa sidin. ratik masyarakat pan yang dibuang pas belalu-lalang. Entah karna tangannya kada berpendidikan atau memang meolah gawi pakai petugas.
Coba fikirakan lah, orang nyaman banar guringan dirumah, sidin mehirup debu berigat-rigat memberasihi jalan. Pernah lah kita mencari siapa orangnya yang meolahaku nyaman melihat Kota Banjarmasin yang berasih setiap bisukan. Sudahlah beterima kasih. Akuaja belum jua, sama aja kita berarti.
Iya bujur itu tugas sidin, tapi paling kada, kita jangan mengalihi orang yang sudah menyamani kita. Sidin repot kada guring betengah malaman sampai subuh, kitanya tahu buang aja sampah misalnya. Belum lagi resiko keselamatan, pasmalam tuh jalanan lapang, siapayang kada handak laju rasa di sirkuit. Aku gin gebut jam seitu.
Pasar Subuh
Ada pasr subuh yang terkenal di Banjar, posisinya di Muara Kelayan, biasanya jualannya wadai basah, sayur, iwak, yang keperluan-keperluan orang pakai beharaguan besunsung pan sebelum tulakan begawi.
Mawarung Subuh
Kebiasaan orang di Banjar biasanya imbah tuntung sambahyang subuh, atau bulikan di Masjid besinggah di warung makan wadai mangopi sambil memandirakan kehidupan. Macam-macam tuh nang dipandirakan, mulaiurusan gawian, pahumaan, keluarga sampai memandirakan orang tuh rajin.
Mewarung subuh itu kebiasaan orang banjar yang mejadi tradisi langka sudah wahini, masih ada tapi jarang. Warungnya jarang ada, karna kebanyakan bukanya malam-malam, orang sambahyang subuh di masjidnya kada tapiadaan jua, iya bakas mewarung malam tadih, kada kawa sunsung bangun handak ka masigit. Hhaha
Jadi sebujurnya tulisan ini nih sudah beberapa kali revisi, karna tulisan awalnya terlalu frontal ala aku bepander sehari-hari yang istilah orang tuh masin banar. Mudah-mudahan kadida yang dirugikan lawan tulisan ini, isinya sekadar memadahakan bahwa ulun pernah menamui seberataan itu tuh selawas di Banjar. Dunia Malam isinya ada banyak kehidupan, kada berisi sisi gelap aja pan, sisi terangnya ada jua, remang-remangnya ada jua. Keitu aja dah.
----------------------------------------------------------------------------------------------------------------------------------
Aku tahu orang yang membacanya bingung kenapa cara menulisnya keitu banar, kada rapi kada sistematis, kacau. Yaa kacau ay bila yang menulisnya orang yang biasa bepander. Bepander sorangan dalam kepala.
Ditulis oleh Anak Introvert yang disambati Anti Sosial, tapi aku lain Psikopat.
0 Komentar